DJ Sessions 3

Hiru saio izango dira:

18:00 - Kumbia vs. Salsa Selektoras: Muchacha Der Diablo (Dominikar Errepublika) & Maisa Covaleda (Kolonbia)

19:30 - Isb Lester & Igu Allnighter (Madril-Gasteiz)

22:00 - Black Jazz Brothers (Madril-Donostia)

Kumbia vs. Salsa Selektoras: Muchacha Der Diablo & Maisa Covaleda

Elkarketa honek elkarrizketa musikal, kultural eta afektiboa proposatzen du Latinoamerikako soinu-matrize garrantzitsuenen artean: cumbia eta salsa. Saioen eta kuradoretza musikal zaindu baten bidez eratzen den esperientzia hedatuan musika entzun ez ezik, bizi, dantzatu eta partekatu ere egiten da.

Erritmoa topaketarako, memoriarako eta konexio kolektiborako espazio gisa ospatzera gonbidatzen duen proposamena da.

Muchacha Der Diablo

Izen horren atzean Amets San Millan, biniloen hautatzaile euskaldun-dominikarra dago. Bere saioetan Karibea etxera ekartzen digu, salsa, boogaloo, guaguanco, cumbia eta aldakak mugiarazten dituen guztia uztartzen dituen bidaia aberats eta alaian.

Maisa Covaleda

Maisa Covaleda jatorriz kolonbiarra da, eta urteak daramatza Iruñan. Musika-hautatzailea, kuradorea eta kultura-ikertzailea da. Bere lanak musika, lurraldea eta memoria lotzen ditu, enfasia ekintza kolektibo eta afektiboetan jarriz.

Isb Lester & Igu Allnighter

Isb Lester 

Madrildarra jaiotzez, hainbat urtetan Erresuma Batuan eta Estatu Batuetan bizi izan da, eta afroamerikar soinuekiko bere grinak fanatismo arrastoak ditu. Mod jazz, soul, rhythm & blues eta boogalooak leku garrantzitsua dute erritmoa, dotorezia eta kultura musikal sakona ezaugarri dituzten bere hautaketetan.

Madrilen Here Come The Girls emakumezkoen DJ kluba sortu zuenetako bat da, eta Gasteizko Midnight Boogie Weekend jaialdiaren antolatzaileetako bat. Bere ibilbidean zehar Espainiako, Frantziako eta Erresuma Batuko klub, ekitaldi eta jaialdi askotan aritu izan da, eta saio bakoitzera proposamen zirraragarri, sofistikatu eta guztiz dantzagarria eramaten du.

Igu Allnighter 

The Allnighters bandako abeslaria eta harmonika-jotzailea izateagatik ezagunagoa den arren, DJ gisa urteak daramatza jendeari soul, rhytm & blues, funk eta jazz onenarekin gozarazten. Beti biniloan egiten dituen saio kartsuak Jerezetik Southamptonera arteko dozenaka klub eta jaialditan entzun dira.

Black Jazz Brothers

Sergio Vélez madrildarra eta Álvaro Granda (Divorce From New York) donostiarra batzen dituen proiektua da. Biak ere kabina ikuskizun gisa baino gehiago kuradoretza-ariketa gisa ulertzen duten hautatzaileak dira. Jazzean eta bere mutazio garaikideetan sustrai sakonak dituen soinua arintasunez igarotzen da nu-jazz, afrobeat, disko, house eta soul estiloetatik. Bere filosofia argia da: musikak berak hitz egin dezala. Saio bakoitza kontu handiz marraztutako esperientzia da, non generoak solasean aritzen diren eta groovea izaten den benetako hari gidaria. Black Jazz Brothersentzat, musika jartzea ez da emanaldia egitea, partekatzea da!