1969

Balantzea

Talde amateurren lehiaketan partaidetza-marka guztiak hautsi ziren: 28 alajaina, bederatzi herrialdetakoak. Hainbeste talde desberdinen aurrean aldaketa batzuk sartu ziren araudian. 20.000 pezetako lehen sari bakar baten ordez, 15.000 pezetako bi ezarri ziren, bat klasikoan eta bestea modernoan. Be-bopa eta ondorengo joerak hartzen ziren “modernotzat”.

Gainerako sariek berdin jarraitzen zuten: 10.000 pezetako bigarren saria, 5.000 pezetako arrakasta-saria, entzuleek bozkatua, eta bakarlari onenarena.

Prentsak Trinitate Enparantzako giro alaia azpimarratzen zuen: “Gazte asko botila-ardoa eta urdaiazpiko-otartekoarekin”. Ordaindu nahi ez zutenek Urgull mendiaren hegietatik entzuten zituzten kontzertuak.

Profesionalen emanaldietan bluesa izan zen nagusi, John Lee Hooker, estilo honetako erraldoietako bat, eta Eddie Taylor Blues Band-arekin. Jazz klasikoena, Milt Buckner buru zuen boskote batek eskaini zuen, Buddy Tate saxofoijole handia eta Jo Jones bateria ere barne zirela, azkeneko hau Donostiako jazzaldietan ohizko bihurtuko zelarik.

Klik bakarrean

Kartela